泰豪燒 (已結業)

朋友喺元朗返工，所以我就專程入到元朗同佢食飯。我地好耐冇見，所以就搵左間食串燒既店坐低慢慢吹水。我地叫左個2人套餐，價錢$298，入面係包一大碗海鮮粥，6串串燒同埋兩杯野飲，好抵食。我地叫左豬腩肉、豆卜、腸仔煙肉卷、鴨胸、雞軟骨同埋一口牛柳粒。啲串燒落左孜然粉，所以味道好香好惹味。海鮮粥方面可以揀兩款海鮮，我地揀左桂花魚同鮑魚，粥好清香，可以中和番串燒既熱氣，呢個配搭真係好match啊！我地仲另外叫左露筍黑毛豬串同埋燒羊架。