見到可以「免費轉紅薯粉」已經心心眼😍！
一於試勻兩款主打，加多兩款小食，真心滿足～
5
✨ 海鮮雜錦米線（轉紅薯粉）
湯底鮮甜得來帶少少酸菜嘅醒胃感🤩
紅薯粉真系無轉錯！煙煙韌韌掛湯一流～
海蝦、蜆肉、魷魚全部新鮮無雪味
仲有豬肉片、脆口嘅胸皮、豆芽同花生
口感豐富到爆😋
✨ 豬雜米線（BB辣）
豬腸、豬肺、豬腎洗得超乾淨，完全無異味🐽
咬落爽口又入味！
湯底加咗少辣更加開胃，配料同樣足料
芫茜蔥控表示大滿足🌿
🔥 椒鹽豬骨湯牛肉餅
超驚喜！牛肉餅打成薄片，口感彈牙好似手打牛丸嘅親戚
浸喺椒鹽豬骨湯裡面，味道濃郁又唔會過咸，必點🤤
🔥 淮鹽雞中翼
大大只，外皮香脆，醃得超入味！
咬開肉汁夠多，咸香帶微辣，送米線一流～
