相馬日式火鍋 (已結業)

約埋一班海鮮牛魔王友去《相馬日式火鍋》食火鍋放題，真係專攻人地D海鮮和牛肉架😂 120分鐘任食，我哋星期四去，每位＄268+1，平均每人＄300都唔駛，有超多野食，呢個係星期一至四的價錢。如果星期五至日就貴少少，加埋1，＄320蚊左右，都係任食120分鐘！✨海鮮有帶子，蝦🦐，蟹柳，青口，螺🐚，蜆，龍蝦🦞，超多選擇。〽️帶子，鮮甜柔較。蝦，鮮甜爽口。青口，新鮮有口感，螺肉鮮甜彈牙。龍蝦大大隻，鮮甜爽口。好味到爆炸呀！✨呢堆牛肉山，出現左幾次😂😂，消失左之後又見番佢😂😂但紅卜卜的新鮮牛肉真係非常吸引，牛肉味濃，油脂和肉的比例平衡得非常好，淥幾秒就食得，入口好易咬開👍湯底🤤要左🦴豚骨湯，濃濃的豬骨味超夠味，但唔會有好多油係度，非常正👍 🍅蕃茄湯，酸酸甜甜，非常開胃。打邊爐必傋的兩個湯！