真味鮮廚 (已結業)

這間位於觀塘站附近的真味鮮廚，晚市主要以無限時任飲任食海鮮火鍋為主，每位$268，8:15後入座還有8折優惠，平均約$214/位，可以食到多款海鮮，海鮮友必食推介。飲品方面除了有啤酒，還有多款茶及汽水，選擇都幾多。先送上刺身拼盤，有三文魚、吞拿魚、帶子、甜蝦、鮑魚、墨魚，其中鮑魚爽彈，帶子鮮甜，三文魚都不錯。重慶雞鍋可以選擇辣度，雞件份量十足，雞肉嫩滑而且麻辣味調較得剛好，十分惹味。海鮮拼盤有多款新鮮海鮮，爽彈海蝦、鮮甜扇貝、彈牙蟶子、鮮甜魚腩、波士頓龍蝦啖啖肉，肉質彈牙且鮮甜。火鍋湯底選了沙地瓜瑤柱鍋，味道清甜。安格斯肥牛肥瘦均勻，脂肪比例剛好，入口肉質濃郁且有油脂香味。巨形水餃真的超大隻，裏面充滿了爽彈蝦肉，食一隻都幾飽。另外還有多款任點任食的火鍋料，包括海鮮、肥牛、丸類及蔬菜等等，我們只點了數款嚐一嚐，因為食完以上的刺身、雞煲及海鮮等等已超級飽肚。二百多元有此等質素及份量，性價比高，下次會約朋友再幫襯。