一鍋堂 (XX Arcade) (已結業)

一鍋堂海鮮放題火鍋終於book到位啦，一去到有成10款湯底選擇，睇到眼都花晒，有麻辣火鍋，豬骨火鍋，壽喜燒，蟲草雞，多到都記唔清。最後我哋揀咗麻辣火鍋同受喜燒，適合食辣同唔食辣嘅朋友一齊食。驚喜一羅羅，食物種類都有好多，有啖啖肉嘅花膠，有新鮮嘅魚腩，蜆，魷魚。不過肉類就質素正常，冇乜特別地方。鍾意打邊爐食海鮮嘅朋友可以去選擇一鍋堂，佢係我食過d海鮮最新鮮嘅放題火鍋。另外仲有唔同嘅飲品提供，打邊爐嘅朋友一定係涼茶啦，佢提供菊花茶，酸梅湯...。鍾意飲汽水嘅朋友都有好多唔同選擇。令人驚喜嘅係佢啲前菜同甜品都唔錯，我揀咗抹茶蛋糕，一鍋堂整得一啲都唔Hea！好味道！所以難book位係有原因