I Leisure (已結業)

朋友話尖沙咀有間食shake shake 海鮮袋嘅餐廳好正，所以就相約一聚🥰餐廳原來係有得飲酒同玩飛鏢😍氣氛好岩同朋友摸下酒杯😆又食下海鮮咁🥰旁邊位置嘅餐枱係用左鳥籠設計打卡一流🤓🌸 特色海鮮搖盤我地點左少辣，見到店員攞出黎已經覺得勁大袋，店員將海鮮放入海鮮袋之後加入秘製嘅馬來西亞特色辣汁shake shake，入面有五種海鮮，有大蝦，鮑魚，扇貝，貴妃蚌，青口等😋我地揀左小辣，覺得醬汁帶出左海鮮嘅鮮味😋又唔會太辣都幾野味😍👍🏻入面仲有粟米同芝士腸🥰🌸 火焰雞翼店員上左雞翼之後加左玫瑰露酒再點火😌嘩，真係幾大火😆果然係火焰雞翼，味道帶蜜糖味又有酒味😍仲要熱辣辣☺️🌸龍蝦包龍蝦包配左薯條😌香噴噴脆脆嘅牛油多士入面係龍蝦嘅沙律😍仲有鮮茄同生菜，食落啖啖龍蝦肉😋佔成個包嘅比例都好多，食到最後都係有肉🤤薯條🍟都係亮點之一，口感鬆鬆脆脆，入面真係有薯仔🥔唔會空心左🤤🤤所以覺得好正😋