漁港薈 (已結業)

係openrice book左檯12點，我同朋友早左少少到，大約11：55左右，我地推開門未入到去，店員話未開門叫我地出面等一陣，咁我地都講左唔好意思係門口度等，跟著有個要拖地拖門口再叫我地係後樓梯等，都唔緊要係我地早左咪吹下水先等佢地ok先叫我地入去，食左差不多一個鐘左右有檯佢地嘅“熟客”到左，奇怪嘅事就發生，我地叫單點嘅嘢食好多都失蹤左，同埋佢地對檯熟客態度特別好，都算啦唸住舒舒服服食餐飯吹下水，啲失蹤左嘅食物咪再叫過，好啦埋單走，我地去埋廁所先走，就聽到男店員同女店員講“未夠鐘就衝入嚟”跟著好細聲聽唔到講咩…都講左唔好意思仲想點？佢啲海鮮係抵食，但服務真係麻麻，叫佢加湯轉頭唔記得，拎嘢食望到先記得，食物選擇少，牛肉都尚算ok嘅，不過咁嘅服務就冇下次。