影片
更多
2018-03-18
85 瀏覽
之前曾經都幫襯過seanson plus，不過嗰陣時仲係買外賣生蠔食啫，而家搬咗之後再去，店舖空間大左，裝修亦都好有時尚感，而且望到就覺得好乾淨，終於似番一間餐廳。我哋四個人去到嗰時都仲有位，坐低半個鐘之後，已經full晒坐滿客人。精選生蠔＄9四個人叫左24隻絕對唔過分，見到成盤生蠔送上嚟，個場面都幾震撼下。呢款生蠔唔係咩特別出產嘅，所以都唔會太過期待有乜嘢特別，不過食落真係好新鮮，同埋都有海水味，生蠔洗得好乾淨，無殻嘅碎片殘留係蠔肉上。海鮮拼盤＄198呢個價錢食海鮮拼盤實在太抵，有原隻啖啖肉嘅龍蝦，鮮甜嘅青口、螺肉同埋蜆肉，份量好多食極都仲有。日本磯煮鮑魚 ＄68兩隻鮑魚肉嫩滑彈牙，肉質好甜，而且凍上可以保留着嗰浸鮮味。熊本霜降西冷＄198呢一塊霜降西冷絕對對得起呢個價錢，脂肪分布得好均勻，咬落入口即溶，肉質仲緊緊鎖住左係入面。牛肝菌意大利飯＄128份量有啲細不過真係好好食，為咗迎合香港人嘅口味，餐廳特登將飯煮林啲，好多醬汁淋咗喺飯面上，食落好濃嘅牛肝菌味。黑松露牛肝菌Pizza $88Pizza燒到香噴噴咁送上嚟，仲聞到有陣陣嘅黑松露味，食落啲芝士仲會起絲，做到外脆內軟嘅效果。燒海
我哋四個人去到嗰時都仲有位，坐低半個鐘之後，已經full晒坐滿客人。
精選生蠔＄9
四個人叫左24隻絕對唔過分，見到成盤生蠔送上嚟，個場面都幾震撼下。呢款生蠔唔係咩特別出產嘅，所以都唔會太過期待有乜嘢特別，不過食落真係好新鮮，同埋都有海水味，生蠔洗得好乾淨，無殻嘅碎片殘留係蠔肉上。
海鮮拼盤＄198
呢個價錢食海鮮拼盤實在太抵，有原隻啖啖肉嘅龍蝦，鮮甜嘅青口、螺肉同埋蜆肉，份量好多食極都仲有。
日本磯煮鮑魚 ＄68兩隻
鮑魚肉嫩滑彈牙，肉質好甜，而且凍上可以保留着嗰浸鮮味。
熊本霜降西冷＄198
呢一塊霜降西冷絕對對得起呢個價錢，脂肪分布得好均勻，咬落入口即溶，肉質仲緊緊鎖住左係入面。
牛肝菌意大利飯＄128
份量有啲細不過真係好好食，為咗迎合香港人嘅口味，餐廳特登將飯煮林啲，好多醬汁淋咗喺飯面上，食落好濃嘅牛肝菌味。
黑松露牛肝菌Pizza $88
Pizza燒到香噴噴咁送上嚟，仲聞到有陣陣嘅黑松露味，食落啲芝士仲會起絲，做到外脆內軟嘅效果。
燒海膽芝士多士＄68
之前食開生嘅海膽，熟嘅海膽又真係未試過，配埋芝士食起上嚟冇咗浸腥味，食得出海膽嘅甜味。
四個人食一餐海鮮大餐食咗＄1000，計起上嚟其實都幾抵，最重要嘅係呢度竟然冇收加一費，好難得。
張貼
