一上到嚟，同樓上某D層差不多，一開𨋢門已經有餐廳風格ge佈置，紅加黑為主，配D古代風屏風牌匾洒埕，唔錯！
食辣野咁梗係叫定2杯啤酒！
呢個燈影牛肉絲好似零食咁，餸啤酒一流，佐酒必點！
我平時都屬於無辣不歡，呢碟肥腸辣味唔惹小，係成晚辣野入面最勁的一款(我見餐牌有一系列辣到爆菊花應該堅係地獄級😈)，肥腸口感軟糯扎實，唔係得肥膏，portion都好大份吓
而重頭戲當然係有八款海鮮ge麻辣海鮮大咖，餐牌上標明每日都由師傅揀最當季新鮮ge海產，我今晚食ge就有鮑魚，膏蟹，大扇貝，蟶子，花甲，蝦，蜆，魷魚，仲要本身已經拆咗殻，一夾已經食得，好細心。我哋雖然係點咗麻辣，但海鮮ge鮮味仍然好出，所以俾呢個價錢絕對係抵！
