名城海鮮火鍋酒家 (已結業)

一間火鍋好得. 但刺身比起一般既日本店仲得. 所以黎呢道,為的不是火鍋,是刺身. 其實已經食過d野,不過......比刺身引誘我,再食,拎埋第日既Quota. 一板海膽- 對於海膽一般喜愛,看呢個該是加拿大海膽夠肥大,ok. 配以四洲紫菜,好笑.蜂蝦- 呢個超得,大隻到,d肉好似龍蝦刺身咁,爽甜. 最好味係之後既炸蜂蝦頭,好多羔,成個食晒,好開心.赤貝/ 立魚/ 北寄貝/ 三文魚- 一個字掂.象拔蚌刺身- 雪白精瑩,一食鮮甜. 生蠔- 超大隻,啖啖鮮. 不是creamy的,是清甜.牛扒葉- 黑色,未經漂白,爽口.蟹子墨魚滑- 彈牙,而且侍應仲好細心幫你逐匙逐匙"筆"落去.手切肥牛- 灼一灼,已經食得,滑入喉.日本春菊- 新鮮,份量少.不過洗得好乾淨,拎出黎又唔會係咁滴水.魚蛋- 其實已經飽到唔想食,咁普通既野. 點知一食,奇怪點解咁鮮甜,而且係好彈牙. 牛柳粒- 一早放入湯滾,最尾先食. 偏肥但滑.梅子粉生果- 師傅切得用心,看那個橙,一般酒樓食肆都唔會花時間做. 而且是即切,新鮮,唔會一早切好. 收費雖貴,但真的用心做食物. 而且一分錢,你真係拎番一分貨.