影片
更多
2020-05-02
78 瀏覽
今次同朋友第一次黎消費因為呢度做緊5:30pm 時段$318加一，現金八折。而menu 顯示佢係有好多款海鮮任食，用餐前估算性價比係高既。任飲飲品需要加$20。1. 入座呢個位有少少扣分。因為我地5:30pm 準時到，但場內職員仍然在場內餐枱位置預備緊食材。而且等到6:00pm 先聽到場內侍應嗌「開波」，我地先收到menu點菜。即係我地已經餓左半個鐘。2. 清潔呢個位又要加番少少分。入座時會派即棄口罩袋、望住客人用搓手液及量體溫。而且所用食具會係你面前用滾水煮過，客人可以親自清洗。食具、油隔、食物夾一應俱全。另外，洗手間清潔情況ok，起碼廁板乾淨、唔係成地紙巾先。3. 食物呢個係最重要既環節。先上菜係有燉湯，估計係金華火腿瑤柱冬瓜煲花膠湯。湯味濃郁，而且每人可以分到2碗。之後係刺身拼盤同埋社交平台打卡後送既𩶘魚刺身。因為2人去食既拼盤會較細，而且無太大驚喜，只可以「比爭鮮稍高質素」去形容。蝦係有d 腥。無食雞煲，不便評價。黎到火鍋。呢度係無湯底可選擇既，送上既係清湯。但用黎烚海鮮已經好足夠，而且，更加食到海鮮既海味。送既海鮮拼盤。呢個真係好正，因為送既龍蝦係有蝦籽，而且好新鮮。蟶子真係
因為呢度做緊5:30pm 時段$318加一，現金八折。而menu 顯示佢係有好多款海鮮任食，用餐前估算性價比係高既。任飲飲品需要加$20。
1. 入座
呢個位有少少扣分。因為我地5:30pm 準時到，但場內職員仍然在場內餐枱位置預備緊食材。而且等到6:00pm 先聽到場內侍應嗌「開波」，我地先收到menu點菜。即係我地已經餓左半個鐘。
2. 清潔
呢個位又要加番少少分。入座時會派即棄口罩袋、望住客人用搓手液及量體溫。而且所用食具會係你面前用滾水煮過，客人可以親自清洗。食具、油隔、食物夾一應俱全。另外，洗手間清潔情況ok，起碼廁板乾淨、唔係成地紙巾先。
3. 食物
呢個係最重要既環節。
先上菜係有燉湯，估計係金華火腿瑤柱冬瓜煲花膠湯。湯味濃郁，而且每人可以分到2碗。
之後係刺身拼盤同埋社交平台打卡後送既𩶘魚刺身。因為2人去食既拼盤會較細，而且無太大驚喜，只可以「比爭鮮稍高質素」去形容。蝦係有d 腥。
無食雞煲，不便評價。
黎到火鍋。呢度係無湯底可選擇既，送上既係清湯。但用黎烚海鮮已經好足夠，而且，更加食到海鮮既海味。
送既海鮮拼盤。呢個真係好正，因為送既龍蝦係有蝦籽，而且好新鮮。蟶子真係又大隻、又好食，個人認為蟶子既性價比係最高。送上既飽魚係生猛而且識郁，呢個真係好有驚喜。蝦就正正常常。蟹都有肉同少量膏既，但因為太細隻，唔建議食。瀨尿蝦都有肉。
其後每次加單既飽魚同蟶子都好有質素，因此我地不停集中嗌呢2樣。因為係屋企處理呢2樣海鮮真係好麻煩。唯獨最後加單既蟶子開始愈來愈多沙，唔建議食埋個沙囊。另一個焦點係黑松露丸，真係好香口同彈牙，呢個係值得嗌黎試下既。
安格斯牛係比較多筋，似生切牛肉既質感，但牛味係足夠既。黑豚肉反而無乜味。
飲品係見到由誠哥出品，有驚喜👍
甜品反而乜都無，而且食落似當年X心西餅既最平價蛋糕。
4. 服務
侍應服務態度甄勤，亦都有盡力滿足客人既需要，但一直沒有將落單menu 發還比客人再點餐，需要客人主動要求。
5. 環境
場內一眼睇晒。四人枱較大，但兩人枱就好細，放唔到好多食物。加上枱面好多食具，搞到好逼。除非你好彩坐到窗邊卡位，就刈足夠空間同埋打卡都好靚。
6. 總結
食物性價比高，可以再來光顧。
相比其他同類餐廳，阿爺真係唔錯
20 瀏覽
0 讚好
0 留言
15 瀏覽
0 讚好
0 留言
2 瀏覽
0 讚好
0 留言
6 瀏覽
0 讚好
0 留言
13 瀏覽
0 讚好
0 留言
7 瀏覽
0 讚好
0 留言
張貼
