串酒里 (已結業)

好耐冇同中學同學仔食飯，今日就食大家都鍾意的串燒！首先上菜的係雞泡魚乾，因為大家都未試過雞泡魚，所以見到當然要揀來試下魚乾乾身而且都比較煙韌，要有番咁上下牙力先咬到但係麻辣汁真係相當入味，辣度都係一流的一入口個啲唔太覺，之後就會愈來愈辣，非常惹味之後當然唔少得鰻魚啦！所以都試了日本原條鰻魚鰻魚的確係原條上碟，分給四個人食啱好一條軟骨都冇，拆得非常乾淨肉地軟綿嫩滑，淋上甜甜的燒汁，質素一流一致得到我們全部人推介的就係麻吉燒外層金黃香脆，入面軟林又彈牙，口感相當QQ味道上以甜為主，女孩子食一定會好喜歡的！我好喜歡食貝殼類的海鮮，所以見到翡翠螺要叫啦呢間小店的海鮮都幾出色，粒粒螺都大大隻，而且一碟都有幾多粒，四個人食都得個汁十分惹味，鍾意食海鮮的話就不要錯過這碟啦為左配合返朋友選的粗口啤酒，我叫了”你”，是蜜桃菜頭味的手工啤啤酒味濃而且偏苦，我唔係好識飲酒，所以就覺得一般般不過一啖串燒一啖啤酒是非常過癮的最後一定要提的就係火雞腎大塊到咁真的好少見，第一眼認唔出係雞腎呢～爽口度勁高，口感一流，彈牙爽脆絕對推薦大家試試同朋友聚會得非常開心，一定會做回頭客下次再來！