首先點左個黑松露醬炸薯條，呢個份量超多，面頭好多黑松露醬，味道好好，香脆可口。即叫即炸。非常脆口。
覺得唔夠侯，再試咪個明太子醬炸薯條，呢款醬都好好味，甜甜地好吸引，食到停唔到口。
跟住叫個雞心串，一串有勁多粒，都係$24蚊超值。再用孜然粉調味，令味道更加提升，而家諗起都流曬口水。
再叫個煙肉荔枝，非常香脆可口，外脆內軟，味道非常夾，要分開幾啖食，唔捨得一口就食曬，慢慢回味。😝
跟住重有炸豬大腸，賣相非常吸引，點咪蕃茄醬🥫食更加香脆。
之後點個清酒煮蜆，好多汁，好清甜。而且食落無沙，我最欣賞呢點，食得好放心。
重叫個韭菜，呢款都係$10蚊就有交易。面上有一層孜然粉，我都好鐘意呢個味道。
再點個今燒三文魚飯團，淡淡地，容易入口，有啖飯落肚係不用缺少。
再點多個叉燒雞湯拉麵，呢個日本叉燒真係幾唔錯，入口即溶。甜甜地味道口感一流。麵底份量都好多。非常有誠意。
再點多個鹽燒大赤蝦，超級大隻，啲肉係實既，咸咸地都幾好味。
生蠔都好抵食，$65蚊有成三隻，好大隻好新鮮。滿滿既愛。肉汁鮮嫩。
最後叫多兩條蜜糖燒廚師腸，好懷念既味道，蜜糖嘅配搭係天衣無縫。
飲品就叫左杯凍菊花蜜，消暑清熱。男女老少都岩飲。
