食之劇場餐廳 (已結業)

前幾日趁新年假同朋友去西貢，行到左白沙灣，都肚餓啦，就去左搵野食。新年期間去邊到食都預左會貴啲架啦，咁倒不如食豪少少，去海邊嘅呢間餐廳一路食一路嘆下個靚海景啦。於是，我地就去左呢間食啦。同朋友每人叫左個精選午市套餐，我就揀左日本生薑燒豚肉定食。呢個定食除左個飯之外，仲有前菜、野菜沙律、味增湯、漬物同埋甜品嘅。🥕前菜有牛蒡絲配一啲肉碎，有少少鹹鹹甜甜嘅味道但好食，唔會好油。🥗野菜沙律份量幾多，有菜又有啲粟米粒，個汁好開胃，感覺清新。🐷日本生薑燒豚肉飯豚肉都幾多，每片大大片，充滿好香嘅肉味，唔會太肥。生薑味好香，個汁好食。份量唔少，食完都夠飽。米飯一粒粒煮得好好食。🥣味增湯呢個味增湯都唔錯，清清地，有昆布同豆腐喺入面。🥒漬物酸酸地好開胃！🍨甜品今次嘅甜品係柚子雪葩，口感順滑，柚子味好濃，又唔會太甜，感覺好清新。💧水特別一提嘅係店員話呢度無論煮食定飲用都係用呢個白神山地之水，感覺好矜貴。總括而言，呢餐大部份嘅嘢食都係感覺好清新嘅食物，加上坐喺海邊望住個海嘅景色，感覺好chill。