佢話太子最近有間餐廳好岩我食
因為佢知道我鍾意食海膽同蟹膏，
而呢度，可以一次過滿足哂我兩個願望
舖頭面積唔算大，
同時室內位於可容納５至６台客。
幸好提前卜左台，
所以不至於要夏天坐室外雅座
餐牌上有不少食物揀，
飯、麵、串燒，應有盡有。
但筆者黎之前就已經決定左食乜，
所以極速就落左單
秘製海膽飯 （＄１０８）
1
先黎既係秘製海膽飯
原板海膽上台，
份量十足，
以呢個價錢黎講，可以話係平民價！
飯就比較簡單，
蛋黃、紫菜，
佐以日式甜豉油，
以及主角－－海膽！
海膽食落完全無腥味，
鮮甜無比。
我地選擇左將一半海膽放入飯中，
與蛋黃拌勻，令簡單既白飯變得十分香口；
而另一半海膽就跟紫菜直接放入口中品嚐，
原汁原味將滿足味蕾
蟹黃 （＄１２８）
2
緊隨而來既係特製激爆蟹黃飯
造型滿分！原隻蟹蓋上台，好有和風既感覺！
蟹膏份量同樣係無偷工減料，
即使撈勻佢，
每一粒飯都感受到香濃既蟹膏味！
加上新鮮甘甜既蟹腳肉，
為成個飯既口感加上層次。
簡而言之，色、香、味俱全！
