魂燒 (已易手) 新餐廳

落雨濕濕又冇帶遮，時間尚早又未食飯，就黎左呢間魂燒到食飯順便避雨入到去，有冷氣涼浸浸，爽呀 本身想食串燒，但見到有海膽飯就食佢啦!嗌左杯日本巨峰提子乳酸: 有淡淡既提子味同乳酸味，再加soda。呢杯野唔太甜，好解渴原板海膽飯: 上到檯已經覺得海膽好多，試左小小，海膽好鮮甜，冇苦澀味。將紫菜包白飯加wasabi同海膽，食落紫菜chok chok聲，加上wasabi掉下味，一口氣食左六舊，半碗飯。剩底既白飯加蛋加豉油，用左日本雞旦，旦味好濃，就算唔食海膽就咁食蛋飯都好好食。最尾食埋海膽，完尾既終結個人覺得$118有咁多種味覺享受真係好抵，下次試埋個蟹黃飯