海膽仔

營業中

休息中

一入店內有一個外賣區，凍櫃有蠔同刺身外賣。入面堂食就要等店員安排，未夠7點已經有多人排隊，入座之後發現原來有兩層，不過我地坐下層。定食會附送沙律，麵豉湯。沙律個汁酸酸地幾開胃。麵豉湯有蜆肉昆布豆腐。兩隻蜆入口清甜冇沙，味增唔會太咸，昆布都幾多，好足料。珍味丼（季節限定）有三文魚鮑魚甜蝦希靈魚拖羅蓉帶子, 每樣都好新鮮，鮑魚有驚喜，應該係磯煮鮑魚，好濃味，而且好爽口。白飯本身有伴少少紫菜，令到成碗飯更惹味。燒左口魚邊丼香港比較少餐廳有得食全碗左口魚飯，所以緊係要試下。有好多片左口魚，仲有一堆黑松露係面，黑松露同左口魚好夾，每一啖飯都有黑松露香。倍化帶子吞海膽帶子超大粒，入口鮮甜軟滑，大到一啖係放唔晒落口架。海膽唔腥，味道鮮甜濃郁，後悔叫咁少海膽食。平日夜晚都好多人拎外賣，證明性價比高。