1⃣️髒髒鹹蛋黃芋泥蛋餅（$88）
蛋餅係用鴨蛋整，蛋餅皮煙韌軟身，入面滿滿既芋泥餡，甜甜地好滿足！夾起身既時候都feel到有啲重量。
2️⃣麻辣牛肉麵（$138）
牛肉麵揀左配寬粉絲，晶瑩剔透滑身又彈牙，食既時候一啖連湯索好正！麻辣味道過癮，而且湯底本身牛肉味香濃，面頭仲有一堆炸蟲草花，成碗牛肉麵係多重享受，而且牛肉都好靚又入味。
3️⃣松露魯肉飯（$85）
未食已經聞到陣松露味🤤成碗滷肉飯即刻感覺升級曬。滷汁濃郁，滷肉入口即溶帶膠質，食落夠味又唔會感覺油膩。
4️⃣鐵觀音法式燉蛋（$88）
鐵觀音味道清香，面頭焦糖脆面，下面燉蛋質感油滑👍
5️⃣開心果麻糬蛋撻（$65）
Bookmark左想食佢地既開心果蛋撻好耐！外面撻皮脆得黎帶牛油香，面頭灑滿開心果碎，蛋撻內仲夾雜著麻糬同埋開心果醬🤩
6️⃣開心果奶奶麻糬（$108）
佢地既麻糬用出面食到既唔太一樣，質感更加軟糯，食到淡淡奶香。可以自己攞筷子切切切、再係開心果堆中碌多幾碌，確保每一啖都比開心果包圍😋好挽又好食。
7️⃣開心果芋泥糊（$85）（湯圓+$18）
1
呢個係佢地近期新品，賣相好靚拉埋花。單獨試下開心果糊，再試下面層既芋泥糊，最後先撈埋食。只可以講，小朋友先做選擇，我兩個都要😆一定要加埋米芝蓮推介既福元黑芝麻湯圓，沙沙既芝麻餡，一咬開就流曬出黎。8️⃣宇治抹茶牛乳（$55）
抹茶牛乳有漸層效果，我自己鍾意未撈勻既時候飲，牛乳味道同抹茶本身都好融合，間唔中又可以比抹茶味道衝擊一下🤪
