海南少爺 (已結業)

去海港城Shopping 完諗緊食咩好嘅時候，朋友提出附近有間海南少爺好似唔錯，一齊行過去望吓，見到門口好多人，相信質素應該不賴。朋友叫黑鼓油雞飯套餐，雞皮上嘅黑鼓油上得夠均勻，雞肉食落嫩滑又啖啖肉，配搭蒜蓉醬最好味！雞油飯香噴噴，朋友至愛！小食金絲網蝦春卷夠脆口，可以揀三條或者五條，夠晒彈性！咸菜豆腐魚湯浸蜆超大碟頭，大蜆堆滿一碗，底下有豆腐咸菜，咸中帶甜，食得開胃！我就要椰香海鮮喇，橙紅色嘅蝦、白雪雪嘅魷魚圈、配上喇沙黃色湯底勁靚！配菜多樣化，好吸引！最後點左燉椰皇，味道清甜，椰香十足，飲落感覺解渴又潤喉！不過如果想要呢個甜品記得要預20分鐘製作時間，唔係就有排等～～