海南少爺 (已結業)

尖沙咀海港城真係好多美食，美食外仲有靚靚維港景色添！日頭藍白雲🌤黃昏日落🌇夜晚就醉人五光十色海景，好多餐廳都會有海景位添！🌃今次就去左海南少爺食晚飯🥰店鋪雖然唔係好大，但環境裝修擺設雅致舒適。首先點左🌟招牌海南雞🐥半隻🌟連油飯同湯😊海南雞已去骨🦴啖啖肉！雞肉超嫩滑有雞味，雞肉與雞皮中間能保持到啫喱精華，好正！配上三種不同醬汁，別有一番風味！油飯粒粒分明香口但不會太油膩！🌶辣炒貴刁😍好惹味帶點辣粉質口感Q彈有咬口，加上魚仔魚片大蝦芽菜等配料豐富。最後就係我老公至愛嘅馬來西亞🇲🇾肉骨菜😍由細到大都飲開佢馬來西亞嘅嫲嫲煮嘅，所以對肉骨茶特別有要求！但今次佢都要讚好正宗好好味！湯頭藥材味濃郁，再加上黑醬油，湯底色澤雖然較黑，濃得黎又不會帶苦澀既味道！令人回味😋材料有肉排，豬肚，豬腩肉片，冬菇，豬腳。加上仲有炸魚皮，響鈴，豆卜另外分開上。好豐富😍肉骨茶用煲仔上枱保持恆溫，飲完後覺得血氣運行好暖身。提提大家依度嘅湯仲可以無限添飲㗎！正！