天穴

營業中

休息中

今年同家姐慶祝生日，佢想食日本菜，睇完OpenRice睇食評就嚟到呢家天穴。環境及服務方面：餐廳270度飽覽維港景色，一行入餐廳就已經有賓至如歸的感覺，服務員都有親切的笑容，連整壽司師傅都會向你打招呼。食物方面：特盛壽司拼盤，每一件壽司上嘅刺身都好新鮮，劍魚腩、吞拿魚腩入口即溶，生蝦會槳口，火炙馬刀貝超正，要anchor,唯一自家製玉子豆腐就一般。羊架串燒好厚肉，燒得剛好，有肉汁，調味好，令人回味。豚肉荔枝的配搭特別，味道又甜又鹹，喜歡嘗試特別食物的人，要試吓。串燒帶子和串燒雞翼都無令我失望，即叫即燒，外脆內軟，只是帶子粒較少。雜錦天婦羅必試，炸漿超薄，食到每件食材都非常新鮮，另點鹽粒調味，非常欣賞。整體上食材新鮮，味道好好，我一定會再去。