塚田農場 (已結業)

位於海港城嘅塚田農場環境寬闊而簡約，而且得天獨厚有無敵大海景🌊，未食先嘆！當晚嚟到人流都幾多，不過幸運地walk-in都有位。入面仲有個吧檯售賣各種特色酒類，包括日式🍶！可以放工嚟鬆一鬆又唔會太嘈吵，舒服ʘ̥ꀾʘ̥✨ 📌店鋪招牌菜係美人涮鍋-澳洲牛肉($620)👸🏻✨圓形的熱鍋邊鋪滿和牛，賣相十分驚艷討好。湯底可煎原味和壽喜燒味，肉類都可以揀澳洲🇦🇺/日本🇯🇵嘅和牛/豬腩肉，所以都幾多選擇組合。雖然睇落好大份，不過其實肉塊之下都係椰菜絲，即使有配搭白飯或者烏冬，但我覺得份量偏小，兩個女仔食先啱啱好（所以好快又餓返 ╮ꏿ ◊ ꏿ╭) 肉嘅質素方面其實都係一般，厚薄適中，顏色粉嫩，但口感並非特別細膩鮮嫩，入口亦冇即溶口感，肉汁也比較貧乏，靠醬汁補救，而且食完都冇靚咗。食完感覺都係打卡餐廳，不過我冇試其他菜式，咁講似乎有啲以偏概全(戴返個頭盔👷🏿‍♀️)，食過嘅朋友可以分享吓～ 📌青草色的兩杯飲品係綠茶cocktail(~$90)🌼🍸面上仲放上菊花點綴，賣相特別而精緻，酒味不算濃烈，適合放鬆同朋友飲兩杯～