更多
2021-09-30
1115 瀏覽
因為要同屋企人去買d BB野送比人，所以去左海港城行下，見食飯時間順便係到食埋飯。經過見到呢間價錢算中等所以就入左去食，本身海景位坐滿左人，不過好幸運有人離開，問職員可唔可以坐過去，佢地都幾nice比我地坐。我地叫左:星洲醬油參巴炒蘿蔔糕 $72呢個係餐牌上既signature菜，蘿蔔糕切到一小口，可以一啖一粒，外面有少少煎脆左，重點應該係佢個黑醬油同參巴醬，再加埋d菜脯、雞蛋炒埋一齊好惹味！炒貴刁 $98炒貴刁用油麵同河粉mix埋，入面仲有d臘腸、蝦、炸肥豬肉、雞蛋、魚條等等材料去炒。味道同顏色都同炒蘿蔔糕好相似，落單時都無留意叫左相近食物，不過佢其實係好食既。新加坡肉骨茶 (白胡椒蒜頭) $128呢個都係signature菜之一，用左16種材料煮成，包括黑白胡椒粒、原個蒜頭、蒜皮、一字排、少量藥材等，眼見一字排都有3-4大條，每條都幾多肉，炆得好淋，完全離骨！肉骨茶唔係藥材深色個種，呢隻比較淺色d，胡椒味幾重幾濃，而且放左原個蒜頭。另外肉骨茶裡面仲有白蘿蔔、豆卜同腐竹，油炸鬼粒分開上，食時先放湯浸下，就可以有少少脆口！沙嗲串燒 (雞和牛雙拼) $86沙嗲串燒可以6條或12條，有豬牛
經過見到呢間價錢算中等所以就入左去食，本身海景位坐滿左人，不過好幸運有人離開，問職員可唔可以坐過去，佢地都幾nice比我地坐。
我地叫左:
星洲醬油參巴炒蘿蔔糕 $72
呢個係餐牌上既signature菜，蘿蔔糕切到一小口，可以一啖一粒，外面有少少煎脆左，重點應該係佢個黑醬油同參巴醬，再加埋d菜脯、雞蛋炒埋一齊好惹味！
炒貴刁 $98
炒貴刁用油麵同河粉mix埋，入面仲有d臘腸、蝦、炸肥豬肉、雞蛋、魚條等等材料去炒。
味道同顏色都同炒蘿蔔糕好相似，落單時都無留意叫左相近食物，不過佢其實係好食既。
新加坡肉骨茶 (白胡椒蒜頭) $128
呢個都係signature菜之一，用左16種材料煮成，包括黑白胡椒粒、原個蒜頭、蒜皮、一字排、少量藥材等，眼見一字排都有3-4大條，每條都幾多肉，炆得好淋，完全離骨！
肉骨茶唔係藥材深色個種，呢隻比較淺色d，胡椒味幾重幾濃，而且放左原個蒜頭。
另外肉骨茶裡面仲有白蘿蔔、豆卜同腐竹，油炸鬼粒分開上，食時先放湯浸下，就可以有少少脆口！
沙嗲串燒 (雞和牛雙拼) $86
沙嗲串燒可以6條或12條，有豬牛雞肉，6條就只可揀2款，12條先可以揀3款。
個人覺得雞肉好食過牛肉，牛肉較多筋，不過幾香香茅燒烤味，再配埋好多花生粒既沙嗲，味道唔錯！
海燕窩燉椰皇 $62
海燕窩唔係真個d燕窩，一開始送到黎會比較水汪汪，但食食下會吸哂d椰子水，變左好似啫喱狀既野，清清地，幾香椰子味，幾好食！
海燕窩燉椰皇
$62
5 瀏覽
0 讚好
0 留言
一邊食住飯一邊望海景，成餐食得好舒服好enjoy！
張貼
