海南少爺 (已結業)

椰香海鮮喇沙 ➰ $128湯底好多香料，好重香茅味，同椰香味，有檸檬葉碎碎增加香味，仲有炸蒜片。好多海鮮配料：有3隻彈牙既蝦，3-4個爽口既墨魚圈，3-4塊魚片，半隻溏心蛋。麵底混合左米線同米粉，可以淨米線或淨米粉，我要左混合麵，有兩種口感，而且好掛湯，好滑溜。係一個份量同味道都好充足嘅喇沙。〰️〰️〰️〰️〰️〰️〰️〰️〰️〰️〰️〰️〰️〰️〰️〰️招牌海南雞飯 ➰ $136海南雞飯+$8可以轉雞脾部分，俾我呢啲唔喜歡食雞胸擦膠位既人確保食到喜歡的雞部位。海南雞的雞肉好嫩滑，大大件，雞皮都好薄。油飯可以選油定白飯，油飯好香，配合海南雞食好夾。〰️〰️〰️〰️〰️〰️〰️〰️〰️〰️〰️〰️〰️〰️〰️〰️菠蘿蜜山渣糖醋肉排 ➰ $158菠蘿蜜即係大樹菠蘿，有別於一般食到既菠蘿糖醋骨，呢個味道唔太酸，有山渣同大樹菠蘿既甜，加埋少少黑醋既酸。肉排即使咁大件咁厚肉，但都係好淋好入味，呢個肉排好推薦。〰️〰️〰️〰️〰️〰️〰️〰️〰️〰️〰️〰️〰️〰️〰️〰️位置地面望到維港夜海景既餐廳，食食都可見到d船，環境都幾開揚。