好多女仔都係綠茶控，我都好鍾意呀🙌知道馬灣呢間酒店近日有出宇治綠茶主題嘅下午茶，就去試吓🍵🍰
總共有十款鹹甜茶點，用咗宇治原產綠茶成份入饌，所以茶味都幾清新濃郁。
🥪鹹點有鵝肝凍批配綠茶慕絲、小龍蝦配綠茶乳酪及奇異果、迷你帶子漢堡配綠茶蛋黃醬等。
🧁甜點則有綠茶鬆餅、綠茶雲呢拿餅及
綠茶焦糖燉蛋等。
食材配搭幾有心思，賣相亦幾精緻，其中鵝肝凍批配綠茶慕絲及綠茶雲呢拿最合我心意😋
呢度仲有180 度全海景🌊，可以睇到青馬大橋、汀九橋及沙灘美景🌁，加上晴朗天氣，真係好好view啊☀️
挪亞方舟度假酒店豐盛閣餐廳
港幣:$468 /兩位
