博多拉麵別天神 (已結業)

想係香港食間有水準嘅拉麵，話易唔易，話難唔難。今日食博多拉麵別天神拉麵係由日本過黎，雖然我冇係日本食過，但係起咁大個朵緊係要試下。間鋪裝修得好有日本風味，門口嘅食券機。一排bar枱對住廚房，有齊自助嘅冰水同茶，調味料，完全係日式拉麵店嘅格局。豚骨湯麵係白色嘅湯底，湯底味道濃厚有層次。 拉麵長幼細，麵條柔軟容易將湯汁掛在麵上，好味之餘又好啜。溏心蛋一開二，蛋黃仍然好流心。 叉燒肥瘦均稱，厚度適中，浸埋湯水食十分美味。 除此之外，配料蔥花同木耳份量十足。 蝦味噌拉麵感覺大致上一樣，不過用左蝦米同粟米代替雲耳，令到個湯底有少少甜，雖然佢叫蝦味噌，但係飲過我覺得有少少龍蝦湯嘅味，十分驚喜。餃子有四隻，個皮厚度啱啱好，煎到少少脆，再蘸埋餃子醬食，非常可口。小龍蝦沙律附上幾片紫菜，可以捲住嘅沙律食，幾有創意，而且個沙律仲好鮮甜，好開胃。依家間鋪做緊週年紀念，做齊指定動作就會送有logo 嘅毛巾，臨走個店員仲送左個有佢地logo rfid 卡套俾我地，所以大家趁派曬前快啲去食下啦！