茶餐廳2.0 (已結業)

上次想來食海南雞飯點知食唔到，今次特登約咗朋友嚟愉景新城，諗住順便一齊食埋晚飯。我就叫咗個海南雞飯，而朋友就叫咗個紅酒燴牛尾飯。我叫咗個餐湯係羅宋湯，味道好鮮味，整得好濃郁，入面仲有菜同埋豬肉。呢個就係我叫嘅海南雞飯啦，分量都有唔少㗎。我好怕食雞會有好多毛，好在呢個海南雞飯都冇乜毛。整得好有雞味，而且雞肉好滑，仲有啲薑蔥好香。呢個就係朋友叫嘅紅酒燴牛尾飯，重用個鐵鍋上可以保持熱度，真係熱辣辣。估唔到牛尾都有好多肉，而且味道仲整得好濃郁。