影片
更多
2016-04-26
1358 瀏覽
好耐都冇寫同呢個接男朋友食飯系列，咁近近地就揀咗係呀好耐冇去嘅東大街。好多人都知東大街係一條美食街，各式各樣嘅美食都可以喺呢度搵到。南駅比較特別，似係半coffee shop半食店。初頭見到門面以為係一間西式餐廳，點知原來裏面食嘅菜式種類非常之多。招牌菜緊竟然係海南雞飯，就俾佢吸引左入去啦！餐廳採用嘅係比較暗色為主嘅格調，裝修似cafe，感覺非常休閒。座位亦都好闊落，坐得好舒服。當日客人都好多，仲要等位添，睇嚟真係好受歡迎。咁見到招牌左係海南雞飯，小妹當然唔執輸叫翻個試試佢。海南雞飯加油兩種，一種是清遠麻雞，另一種係龍崗雞。我就揀咗清遠麻雞，加左＄10要咗全脾肉。飯用上透明玻璃碟送上，配以三種醬汁，油飯同雞湯。清遠麻雞皮色金黃，雞味非常濃郁，皮爽脆薄！雞用上生長期80-90日嘅雞，係走地雞嘅一種，保持住嫩滑又不失咬口！雞件已經細心咁去咗骨，食嘅時候好方便。油飯唔會過油，顏色唔係好濃，不過飯就充滿咗香味，油均勻咁佈滿咗係每粒飯中。另外配以嘅雞頭用上茶壺裝住，自己倒落盛有雪耳嘅碗中。味道唔係好濃，清清地，食完雞後清清味蕾很不錯呢。男朋友叫嘅係籠仔蒸糯米飯－鰻魚。一上台就聞到濃濃嘅鰻魚香味。
好多人都知東大街係一條美食街，各式各樣嘅美食都可以喺呢度搵到。
南駅比較特別，似係半coffee shop半食店。初頭見到門面以為係一間西式餐廳，點知原來裏面食嘅菜式種類非常之多。
招牌菜緊竟然係海南雞飯，就俾佢吸引左入去啦！
餐廳採用嘅係比較暗色為主嘅格調，裝修似cafe，感覺非常休閒。
座位亦都好闊落，坐得好舒服。當日客人都好多，仲要等位添，睇嚟真係好受歡迎。
咁見到招牌左係海南雞飯，小妹當然唔執輸叫翻個試試佢。海南雞飯加油兩種，一種是清遠麻雞，另一種係龍崗雞。
我就揀咗清遠麻雞，加左＄10要咗全脾肉。飯用上透明玻璃碟送上，配以三種醬汁，油飯同雞湯。
清遠麻雞皮色金黃，雞味非常濃郁，皮爽脆薄！雞用上生長期80-90日嘅雞，係走地雞嘅一種，保持住嫩滑又不失咬口！
雞件已經細心咁去咗骨，食嘅時候好方便。
油飯唔會過油，顏色唔係好濃，不過飯就充滿咗香味，油均勻咁佈滿咗係每粒飯中。
另外配以嘅雞頭用上茶壺裝住，自己倒落盛有雪耳嘅碗中。味道唔係好濃，清清地，食完雞後清清味蕾很不錯呢。
男朋友叫嘅係籠仔蒸糯米飯－鰻魚。一上台就聞到濃濃嘅鰻魚香味。鰻魚鋪左係糯米飯上，燒得非常金黃。
鰻魚幾厚身，表面燒得帶點焦香，入口肥美。而糯米飯正吸咗荷葉嘅香，煙煙韌韌，口感幾特別。
份量好足，因為糯米飯較飽肚，食到大半已經幾飽，糯米飯撈咗鰻魚汁更加美味！
另外叫咗一個小食，鵝肝多士。
一份有四件，鵝肝一啲都唔細舊，都算厚切。燒香左嘅鵝肝配上脆脆嘅多士，口感豐富得來又唔會油膩。
醬汁有啲酸甜味，令到鵝肝多士唔會有種好厚重嘅感覺反而帶點清新，汁亦都令人覺得好開胃。
我哋仲一人叫咗一杯咖啡，小妹我叫左latte，男朋友叫咗cappuccino。
咖啡嘅拉花絕對比得上專業嘅咖啡店，奶味香濃，咖啡味太重，不過不失。不過最緊要夠熱而且夠滑。男朋友話佢個杯都唔錯，正常咖啡店水準。
呢到滙合左唔同國家嘅味道，有飲咖啡嘅寧靜，又有一齊食飯嘅熱鬧氣氛。海南雞飯確係值得一試呢！
題外話/補充資料：
因為出嘅時候死哂圖,所以出多一次):
(以上食評乃用戶個人意見 , 並不代表OpenRice之觀點。)
張貼
