栢檔去骨海南雞飯 (已結業)

自從食過一次海南雞飯之後完全迷上左，見到佢係去骨海南雞飯就試下。冇叫套餐淨叫左海南雞飯，50蚊，以旺區同去骨黎講算唔貴。 d雞好滑，唔會過老同“鞋”。同埋去骨去得幾清唔會食食下有d碎骨，食落d雞皮仲有小小啫喱，真係好食。如果話打邊爐係湯底先係精髓，咁海南雞就一定係個飯。 黎到好香油雞飯味，不過食落覺得冇咁香反而有種得個油味既白飯。 就算有小小炸蒜絲都救唔番個油飯，認真有d失望。不過個飯都比得足，食曬都幾飽肚，抵讚。