影片
更多
2009-10-12
5 瀏覽
11號晚同女朋友去試試, 7點11分服務生安排好坐位, 不過, 一坐低就聽到其他檯的人不停追野食, 已經心知不妙, 即刻先落order, 過左15分鐘, 先先上隻船, 可惜每款真係得3-4件, 即再order 三文魚, 北寄貝, 都要等成30分鐘!! 連最普通燒雞翼都要等50分鐘, 仲要係搵"經理"去追先有, 鹽燒三文魚頭等左個半鍾, 先有3件仔, 有2件係眼........, 最好笑係突然用mic講話串燒做唔切, 要等, 最好食其他野先, 仲有係串燒全部都唔熱, 最令人火係, 7點15分order的酒煮蜆, 炸蠔, 同海鮮粥, 等到8:30都未黎, 叫"經理"去追, 過多20分鐘同我講賣曬, 叫我下次早d黎食過, 我同佢講, 我7點黎order都冇, 我下次應該幾點黎?你呢d咁出食物速度, 真係人會再黎, 就結帳走人, 結果都係要等15分鐘, 個經理仲要講等俾錢好過等野食, 唔使餓住等, 真係俾佢吹到bb聲......... 三文魚刺身 -> 完全冇鮮味 北寄貝刺身 -> 好大塊, 幾爽, 不過等40分鐘先有5件 希靈魚削身 -> 黃色部份太多, 唔係好酸,
三文魚刺身 -> 完全冇鮮味
北寄貝刺身 -> 好大塊, 幾爽, 不過等40分鐘先有5件
希靈魚削身 -> 黃色部份太多, 唔係好酸, ok
立魚 -> 麻麻地
墨魚刺身 -> no gd
馬刀貝刺身 -> order左3次, 一次都冇黎
清酒白蜆 -> 等左個半鍾同我講賣曬
鹽燒雞軟骨 -> ok
鹽燒雞腎 -> order左, 冇黎
和牛串 -> 1粒和牛+1片青椒+1粒車厘茄, 一陣lon味, 唔熱!
炸豆腐 -> 皮脆, ok
鹽燒多春魚 -> 冇乜味, 好似魚乾
黑豚肉火煱 -> 黑豚肉, 包括個湯都ok,
天婦羅 -> 皮脆, 蝦一d蝦味都有
由於新張期, 所以有免費沙律bar, 飲品同甜品, 但唔吸引 :-
沙律bar -> 只有粟米, 車厘茄, 生菜,
飲品 -> coke light, 紅coke, 雪碧, coffe or tea, 最好笑係冇杯, 侍應生見到冇會扮睇唔到
甜品 -> 4大筒雪糕, 有豆腐, 芝麻, 紅豆, 綠茶, 睇唔到係咩牌子, 不過都ok
總結, 我咁大個仔食左無數咁多放題, 最差就係呢間!!!! 佢請我去食, 我都唔會去!!!
張貼