Alize Noire de Nova (已結業)

今晚baby帶我去慶祝紀念日，我地揀左北角馬寶道間西餐廳Alize Noire de Nova。 餐廳在地鐵站A4附近，又近又易找！一入到餐廳，環境好浪漫，座位好寬敞，感覺十分舒服，完全係拍拖勝地！我地揀左Set Dinner的A餐 - 美國安格斯羊t骨伴乳酪檸檬時蘿汁，套餐包埋頭盤、餐湯， 主菜， 包餐飲一杯，價錢都幾抵食！ 安格斯羊t骨幾正，好juice，配埋個酸檸檬汁，味道岩岩好！ 頭盤係蝦球沙津，隻蝦好香好香，好彈牙！ 餐湯係紅菜頭湯，好濃蕃茄味，但味道淡左少少。 我地仲叫左意式煙肉卡邦尼手工意大利粉，真係好特別，同其他西餐廳的卡邦尼意粉完全不一樣！因為麵條夠硬，煙內又肥美又大粒，配上芝士忌廉汁，正！成餐飯食得好開心，值得我繼續捧場。