影片
更多
2021-10-30
149 瀏覽
🎐熊妹好幸福，過左生日就黎兩個月，都仲有好友韓妹同熊妹慶祝，認真夠朋友。📌次次都係熊妹揀食咩，今次熊妹生日大哂，韓妹主動話要揾餐廳，真係唔話得。📌知道熊妹鐘意咖啡店、西餐廳，韓妹預訂左旺角間樓上cafe《Romanne Leisure Food Concept》，位置係朗豪坊隔離的朗晴坊7️⃣樓，朗晴坊外觀就比較殘舊，內裡卧藏唔少網紅食店，所以都吸引唔少年青食客過來hea一下。📌5點半黎到，未係晚餐繁忙時段，下午茶又岩岩落畫，所以未算好多人。📌7️⃣樓全層就係餐廳，環境唔算太大，都有幾張四人枱👨👩👧👦同窗口高枱，幾chill下。📌餐牌📋設計色彩繽紛，圖文並茂，簡單易明。大路西餐由頭盤、沙律、小食、意粉、主食肉類到甜品都有，價錢熊妹就認為以樓上餐廳黎講偏貴少少，起碼$100以上🔝，咁要睇下有幾大份同幾好味喇。📌飲品黎講都好多選擇，除左咖啡或茶，仲有水果茶、奶昔🥤等等特飲。📌原來都有晚餐套餐，平日星期日至四的個人套餐聽講係幾抵食，包餐包、湯、沙律同飲品都係$150左右，不過星期五、六、及公眾假期及前夕的套餐就比平日個啲就貴啲，得呢個二人套餐款，仲要$428，入面包一款貴啲的主菜，例如：燒春雞
📌次次都係熊妹揀食咩，今次熊妹生日大哂，韓妹主動話要揾餐廳，真係唔話得。
📌知道熊妹鐘意咖啡店、西餐廳，韓妹預訂左旺角間樓上cafe《Romanne Leisure Food Concept》，位置係朗豪坊隔離的朗晴坊7️⃣樓，朗晴坊外觀就比較殘舊，內裡卧藏唔少網紅食店，所以都吸引唔少年青食客過來hea一下。
📌5點半黎到，未係晚餐繁忙時段，下午茶又岩岩落畫，所以未算好多人。📌7️⃣樓全層就係餐廳，環境唔算太大，都有幾張四人枱👨👩👧👦同窗口高枱，幾chill下。
📌餐牌📋設計色彩繽紛，圖文並茂，簡單易明。大路西餐由頭盤、沙律、小食、意粉、主食肉類到甜品都有，價錢熊妹就認為以樓上餐廳黎講偏貴少少，起碼$100以上🔝，咁要睇下有幾大份同幾好味喇。
📌飲品黎講都好多選擇，除左咖啡或茶，仲有水果茶、奶昔🥤等等特飲。
📌原來都有晚餐套餐，平日星期日至四的個人套餐聽講係幾抵食，包餐包、湯、沙律同飲品都係$150左右，不過星期五、六、及公眾假期及前夕的套餐就比平日個啲就貴啲，得呢個二人套餐款，仲要$428，入面包一款貴啲的主菜，例如：燒春雞，牛柳配鵝肝等，咁套餐點都比散叫抵啲既。
煙燻三文魚鮮柚子沙律
8 瀏覽
0 讚好
0 留言
先來了頭盤沙律，煙三文魚同柚子都係熊妹最愛，岩食！
好大一盤，好多沙律菜🥗、蕃茄仔🍅同青瓜片🥒，好開心可以有咁多纖維先疊疊個胃！
煙三文魚都有好多大塊，不過食落去就感覺唔係好新鮮，有啲渣，似係開封左一段時間。
沙律汁係香草黑醋油，夠多汁，幾開胃。
餐湯與蒜蓉包
8 瀏覽
0 讚好
0 留言
是日餐湯係蕃茄忌廉湯，蕃茄味酸酸，加入左忌廉，湯質濃稠，幾開胃。
蒜蓉包好唔錯喎！法包焗得脆的，上面搽上蒜蓉醬好香口，熊妹唔好蒜蓉都表示滿意。
黑松露野菌意大利麵配63度温泉蛋
9 瀏覽
0 讚好
0 留言
黑松露就當然係港女恩物，熊妹同韓妹認為意大利麵應該襯過意大利飯，所以要求轉左。
一上枱，嘩！陣陣黑松露芬香撲鼻👃🏻，香味已經好吸引！
63度温泉蛋放在意大利麵中間，賣相再加多點分。
野菌份量好多，同屬菌類🍄的黑松露同野菌簡直係絕配，咁夾味道一定無得輸，撈上半熟的温泉蛋，刺穿了流出的蛋黃汁同半熟的蛋白液，令意大利麵表面添多點濕潤感，但又不失意大利麵7分鐘熟度的咀嚼感，呢碟意粉确實做得唔錯！
慢烤瑪利檸檬法國燒春雞
4 瀏覽
0 讚好
0 留言
好大隻燒春雞呀🐥！雞脾位幾肥美！用上檸檬汁、香草同多款調味料烤焗，外皮鹹鹹地帶少少酸，味道幾好喎！雞肉好嫩滑，唔鞋口，無咩肥肉位，雞皮焗乾哂啲油脂出黎，好薄，好難唔連皮食。
配菜仲有焗彩椒、蕃茄、青瓜同薯仔，全部都調味過，味道可口，全部都食哂
紫薯鮮奶
9 瀏覽
0 讚好
0 留言
熊妹想試下特飲，睇下個飲品餐牌，紫薯鮮奶可以一試。
驚喜喎！好有紫薯味！注意⚠️！係真紫薯味，唔係用仿紫薯的糖漿，而且牛奶味🥛好重好香，紫薯同牛奶本身都好夾，兩者夾得黎，個味又好出，掂！飲到後尾仲食到粒粒紫薯！有誠意，熊妹鐘意！
焗肉桂蘋果脆脆配意大利雪糕
9 瀏覽
0 讚好
0 留言
📌嘩！估唔到仲有生日驚喜！原來韓妹係訂枱時已經要求係甜品上加「Happy Birthday」字句，俾熊妹一個驚喜！Yeah! 真係好sweet💕!
甜品有朱古力布朗尼蛋糕同蘋果脆脆揀，唔係幾好朱古力甜品的熊妹就揀左蘋果脆脆喇。
即焗的甜品就最好味，面頭的牛油脆脆粒好香牛油味，內裡蘋果粒都唔少，唔會好淋，仲有蘋果肉桂汁，最開心有一大球曲奇雪糕，熊妹最鐘意食雪糕，仲要係曲奇味！但因為即焗好熱，雪糕放係蘋果脆脆上面好就溶掉，變成牛奶，本身想營造冰火交融的感覺都hold唔住，熊妹就建議如果雪糕可以放係甜品杯另上，讓食客自己混合食，更可以食出蘋果脆脆同雪糕的真蒂。
📌食物味道幾唔錯，餐廳環境都可以，要慶祝可以黎浪漫下，要見面吹水可以黎hea下，唯大廈入口比較殘舊，同埋假日黎就預左貴啲無咁抵食🔝。
📌熊妹今年的生日飯由韓妹完滿結束，大🈵㊗️！多謝各位！
張貼
