顏府御膳 (已結業)

今晚再次嚟到位於銅鑼灣開平道Cubus的「顏府御膳」品嚐高級精緻中菜。店內裝修型格時尚，感覺高貴典雅，好適合朋友或家庭聚餐滕椒木耳木耳加咗滕椒、辣椒、紅油等等浸泡醃製，木耳口感好爽脆，微微辣，帶椒香，開胃醒神塩燒茄子茄子去皮後切成長條狀炸香，外層好脆嫩，裏面嘅茄子肉好Juicy！味道咸感地，有啲避風塘風味合桃黑豆雞腳西施骨老火湯老火湯入口好鮮甜，無添加味精，火候十足，裏面仲有雞腳、合桃、西施骨等等，好足料哦鐵板燒沙薑陳皮生煎雞用鐵板呈上的沙薑陳皮生煎雞🐔新鮮雞件加入沙薑、陳皮、蔥絲等等爆香，色香味俱全！雞肉頗嫩滑又多汁，吸收哂沙薑嘅獨特香氣，好好食哦薑米瑤柱蛋白炒飯最後主食點左呢個薑米瑤柱蛋白炒飯，飯粒粒分明，加左蛋白、瑤柱同菜心粒一齊炒香，頗足料，好有鑊氣