影片
更多
2022-10-24
94 瀏覽
有驚喜嘅意日Fusion菜，餐廳佔地6000呎環境寬敞，有不少雕塑同畫作裝飾，令人感覺置身於藝術館中用餐✨• Set Pazzesco $880/位- Appetiser前菜擺盤已經好有心思，有大片香口嘅芝士薄脆同沾滿黑松露味道嘅枝豆，平時唔特別鐘意枝豆，加咗黑松露油變得好香好好食🧡！- Sashimi 是日刺身為魚味濃郁嘅深海池魚🐟- Japanese Abalone日本鮑魚浸沒喺椰子泡沫之中，以椰子脆片、法國魚子醬同枝豆點綴，整體頗有夏日風味✨- Miso Crab Tagliolini肉眼可見意麵上放咗大量嘅蟹肉，麵條亦沾滿蟹嘅味道，惹味中不失清爽感😌- Hokkaido Uni Pappardelle +$280自家製手工闊條麵闊身有咬口，因此掛汁度亦相當高，海膽汁鮮甜濃郁，更有數片新鮮海膽，海膽迷一定唔可以錯過😚- Seabass魚肉大件偏結實，相比其他菜式呢款會較平庸少少😗- Kagoshima Sirloin +$280可以話係近呢幾年食過最驚艷嘅牛，口感係外脆內軟！Order時冇問要咩熟度，小編諗係因為佢哋知道點樣烹調先係最完美，外層極焦脆但內裡嫩到不得之了，浸牛味香到
• Set Pazzesco $880/位
- Appetiser
前菜擺盤已經好有心思，有大片香口嘅芝士薄脆同沾滿黑松露味道嘅枝豆，平時唔特別鐘意枝豆，加咗黑松露油變得好香好好食🧡！
- Sashimi
是日刺身為魚味濃郁嘅深海池魚🐟
- Japanese Abalone
日本鮑魚浸沒喺椰子泡沫之中，以椰子脆片、法國魚子醬同枝豆點綴，整體頗有夏日風味✨
- Miso Crab Tagliolini
肉眼可見意麵上放咗大量嘅蟹肉，麵條亦沾滿蟹嘅味道，惹味中不失清爽感😌
- Hokkaido Uni Pappardelle +$280
自家製手工闊條麵闊身有咬口，因此掛汁度亦相當高，海膽汁鮮甜濃郁，更有數片新鮮海膽，海膽迷一定唔可以錯過😚
- Seabass
魚肉大件偏結實，相比其他菜式呢款會較平庸少少😗
- Kagoshima Sirloin +$280
可以話係近呢幾年食過最驚艷嘅牛，口感係外脆內軟！Order時冇問要咩熟度，小編諗係因為佢哋知道點樣烹調先係最完美，外層極焦脆但內裡嫩到不得之了，浸牛味香到，一放入口完全講唔到嘢，淨係想細心咀嚼品嘗🥹
- Sweets
到甜品時間，店員推住餐車嚟到我哋面前，原來係日本旅行時必食嘅Cremia雪糕，再即席刨上檸檬皮同撤上海鹽，香濃奶滑之中帶點Refreshing😌
• Uni Cake +$180
記得上年男友送咗個兩千幾蚊嘅海膽蛋糕俾小編🫠相比之下呢個蛋糕就真係勁抵食，面頭舖滿晒海膽同三文魚籽，夾層仲有拖羅蓉，而且出場present得好靚，用木盒裝住一打開即噴煙，再加埋煙花蠟燭浪漫滿分，生日嚟呢度慶祝實冇死😚
• Yum $130
• Bee's Kochi $140
張貼
