丸和食堂 (已結業)

上水舊墟已被水貨店佔領左七成的位置，好味的小店餐廳迫到去馬會道，而且轉手次數都頗為頻密和不就腳，早幾日就發現有間新的日本餐廳，以居酒屋的形式經營，在上水區較為少有，店內光線較暗感覺有點高檔，大多是年青人光顧而且座位闊落坐得舒服。 7吋三文魚壽司(2件) ($28)醬燒挪威三文魚壽司(2件) ($22)7吋長三文魚夠長有三文魚味，但切得較薄口感欠佳，反而挺喜歡醬燒三文魚壽司，醬油味加上三文魚的魚油香味，不錯不錯。灸燒芝士大蝦反卷(8件) ($62)灸燒芝士加蟹籽夠香味濃，配上炸蝦口感豐富有層次，炸蝦炸粉做得好好，略嫌蝦比較細隻。七味燒豬頸肉湯拉麵 ($58)豬頸肉燒肉味香有肉味，有5-6塊，拉麵有少少痴住一舊未散開，麵和湯有改善空間。荔枝椰果梳打 ($18)椰果配荔枝味梳打，天氣熱解渴一流。 巨峰梳打($18)清香巨峰提子味梳打，也是解渴之選。兩個人埋單$206，不設加一！總體食物不過不失，挪威三文魚有魚油味，入口即溶；炸蝦炸漿做得好好；餐牌有便當很吸晴，下次可以試下。