影片
更多
2024-05-27
19 瀏覽
ROYAL INN今次介紹喺尖沙咀The One商場入面有間「ROYAL INN」西餐廳，呢間餐廳裝修非常華麗，有種宮廷風環境設計，週圍都有好多花花同打卡位，食物質素有好高質，今次嚟食lunch set，主菜都有七款，包括有通心粉、扁意粉、三文魚柳、手工闊條麵、意大利飯、羊架同牛扒，總有一款你鍾意！1.紅酒燴牛肋條手工闊條麵+是日餐湯（紫薯湯）+酸種麵包$158（8.5/10）呢碟紅酒燴牛肋條手工闊條麵個牛肋條有3大舊，肉質比較韌咗少少，闊條麵都幾彈牙，個汁酸酸地，仲有蕃茄仔同芝士片等，如果牛肋條淋多少少就更好味！紫薯湯：紫薯味好重，湯好濃稠！酸種麵包：好硬，唔脆，吸哂我口水！2.香煎北海道帶子海膽意大利飯+野莓香醋沙律$168（9/10）呢個香煎北海道帶子海膽意大利飯個帶子煎得好香，咬落熟度啱啱好，唔會煎到好硬，海膽意大利飯用海膽忌廉汁炮製出嚟，海膽味好濃郁，意大利飯軟硬適中，入口Creamy，唔錯唔錯！野莓香醋沙律：沙律菜新鮮多水，入面仲有青瓜、紫洋蔥、提子、蕃茄仔、藍莓等！3.白松露炸薯條$78（9.5/10）呢個白松露炸薯條一拎上枱面已經聞到好香，一咬熱到飛起，證明真係即叫即炸
今次介紹喺尖沙咀The One商場入面有間「ROYAL INN」西餐廳，呢間餐廳裝修非常華麗，有種宮廷風環境設計，週圍都有好多花花同打卡位，食物質素有好高質，今次嚟食lunch set，主菜都有七款，包括有通心粉、扁意粉、三文魚柳、手工闊條麵、意大利飯、羊架同牛扒，總有一款你鍾意！
1.紅酒燴牛肋條手工闊條麵+是日餐湯（紫薯湯）+酸種麵包$158（8.5/10）
呢碟紅酒燴牛肋條手工闊條麵個牛肋條有3大舊，肉質比較韌咗少少，闊條麵都幾彈牙，個汁酸酸地，仲有蕃茄仔同芝士片等，如果牛肋條淋多少少就更好味！
紫薯湯：紫薯味好重，湯好濃稠！
酸種麵包：好硬，唔脆，吸哂我口水！
2.香煎北海道帶子海膽意大利飯+野莓香醋沙律$168（9/10）
呢個香煎北海道帶子海膽意大利飯個帶子煎得好香，咬落熟度啱啱好，唔會煎到好硬，海膽意大利飯用海膽忌廉汁炮製出嚟，海膽味好濃郁，意大利飯軟硬適中，入口Creamy，唔錯唔錯！
野莓香醋沙律：沙律菜新鮮多水，入面仲有青瓜、紫洋蔥、提子、蕃茄仔、藍莓等！
3.白松露炸薯條$78（9.5/10）
呢個白松露炸薯條一拎上枱面已經聞到好香，一咬熱到飛起，證明真係即叫即炸，上面仲有芝士片，再點埋松露醬更加好味！
4.火焰雪山$168（8.5/10）
呢個甜品「火焰雪山」第一個唔錯嘅打卡甜品，不過製作需時，我等咗差唔多半粒鐘，店員一遞上嚟就倒上酒，令呢個火焰雪山真係著咗火，成個過程忙住影相同拍片，雪山外層係忌廉，食落脆脆地，入面就有蛋糕同朱古力雪糕，朱古力雪糕有朱古力碎，碟邊仲有三種生果，士多啤梨、紅莓同藍莓，如果叫我再揀多一次，我絕對唔會花半粒鐘為咗等呢個「火焰雪山」甜品！
5.Cappuccino$20（跟餐飲品半價）（9.5/10）
Set Lunch可以叫$28以下嘅飲品，已經包埋Set Lunch入面，超過$28嘅飲品就可以跟餐享有半價優惠，呢杯cappuccino咖啡比較苦，我鍾意苦多過甜，都幾啱我飲！
6.Chocolate$20（跟餐飲品半價）（9/10）
Set Lunch可以叫$28以下嘅飲品，已經包埋Set Lunch入面，超過$28嘅飲品就可以跟餐享有半價優惠，呢杯Chocolate朱古力都幾正宗，比較偏苦少少，飲到落喉嚨頂會有少少苦甘味，唔錯！
2人總共價錢$612，有加一服務費！
個人口味總評分：9/10
地址：尖沙咀彌敦道100號The ONE 1樓L121號舖
張貼
