Foxglove

營業中

休息中

今日朋友生日，揀咗一間比較有特色嘅餐廳同佢慶祝。一推門入到餐廳，唔會即刻見到座位，反而見到好多個裝飾櫃，入面放住好多特色的雨傘，好vintage ! 之後職員按掣，門先會自動打開，才真正入到餐廳，個感覺好似登上郵輪。入面飲嘢一流，有個band 舞台，我諗係疫情，所以無開。我地個晚未食晚飯，所以主要叫嘢食。原來個到食點心為主！叫左原隻蝦餃皇，上海小籠包，香芋流沙包，野菌冬菇包，安格斯牛肉包，脆脆炸蝦腸，最後加左壺茶陳年普洱。蝦餃d蝦真係原隻，仲好彈牙！比平時出面酒樓食開的更新鮮，即叫即做，皮薄肉多。小籠包入面都算多汁，湯汁好飲肉質又夠就滑。香芋流沙包d奶黃做到流心效果，入面好熱好多奶黃流出來但又唔會太甜，熱辣辣好味道。野菌冬菇包反而有驚喜，個外型整到冬菇咁，入面好多菇，所以菌咪好濃😋😋，個脆脆炸蝦腸炸得相當脆，冇叫錯！食點心配茶絕對prefect match, 消濟解油膩。但下次黎會試下飲嘢，因為個地方環境好適合chill!