影片
更多
2021-11-28
136 瀏覽
最近返工實在太忙，於是男朋友book左間法國餐廳，二人食返餐浪漫既燭光晚餐。餐廳位於太和附近，聽講由資深既法國大廚下廚，而且menu上有多款經典既法國菜式同分子料理，真係令我非常期待到達餐廳既時候，已經被餐廳既裝飾深深吸引，餐廳既中庭有盞大大既水晶吊燈，而沙發係絲絨質料，有種高貴華麗既感覺。男朋友講我知，原來餐廳名稱L’amour係法文中係愛既意思，估唔到男朋友今次做足功課，咁有心思搵左間充滿情調既地方呢今次，我地叫左2個set dinner，飲品方面叫左Dream同Bubble Bee。前菜方面，我地分別叫了碟豆花木魚清湯配鯛魚刺身，以及波特酒釀葡萄配法式鵝肝。兩道前菜既賣相非常吸引，而且用料新鮮，每道前菜都會由一款味道較濃既食材配上一款味道清新既食材，感覺特別，而且非常開胃。主菜方面，我地分別叫了傳統法式鵝肝牛柳，以及法式烤龍蝦尾海鮮飯。法式鵝肝牛柳我地揀左七成熟，牛柳肉質非常嫩滑，而且煎得香口，一點也不靭，證明大廚把火候控制得很好。至於鵝肝，當然不用多說，入口即溶，如果配埋紅酒就prefect了！而烤龍蝦尾海鮮飯，大大隻龍蝦同帶子放置碟中央，味道鮮甜，而飯就跟一般餐廳不同，它選用
餐廳位於太和附近，聽講由資深既法國大廚下廚，而且menu上有多款經典既法國菜式同分子料理，真係令我非常期待
到達餐廳既時候，已經被餐廳既裝飾深深吸引，餐廳既中庭有盞大大既水晶吊燈，而沙發係絲絨質料，有種高貴華麗既感覺。男朋友講我知，原來餐廳名稱L’amour係法文中係愛既意思，估唔到男朋友今次做足功課，咁有心思搵左間充滿情調既地方呢
今次，我地叫左2個set dinner，飲品方面叫左Dream同Bubble Bee。
前菜方面，我地分別叫了碟豆花木魚清湯配鯛魚刺身，以及波特酒釀葡萄配法式鵝肝。兩道前菜既賣相非常吸引，而且用料新鮮，每道前菜都會由一款味道較濃既食材配上一款味道清新既食材，感覺特別，而且非常開胃。
主菜方面，我地分別叫了傳統法式鵝肝牛柳，以及法式烤龍蝦尾海鮮飯。法式鵝肝牛柳我地揀左七成熟，牛柳肉質非常嫩滑，而且煎得香口，一點也不靭，證明大廚把火候控制得很好。至於鵝肝，當然不用多說，入口即溶，如果配埋紅酒就prefect了！而烤龍蝦尾海鮮飯，大大隻龍蝦同帶子放置碟中央，味道鮮甜，而飯就跟一般餐廳不同，它選用了薏米飯，感覺特別健康。而最令我欣賞的，係廚師好有心思地佈置碟邊，看得出廚師的一份細心。
最後甜品方面，我地選擇了鮮果蛋糕雪糕同餐廳馳名既美女與野獸。特別推薦愛打卡既朋友，記得點美女與野獸呢！上菜時它由一個玻璃樽蓋住，一打開，便會出現陣陣煙霧，煙霧散去後，一朵玫瑰花便會清晰地呈現眼前，真令人眼界大開！起初，我還以為玫瑰花會係玫瑰既味道，想不到玫瑰花吃落甜甜的，原來係豆蓉既味道呢，真係估佢唔到
張貼
