愛民海鮮酒家

營業中

休息中

最近到流浮山食海鮮，朋友帶我第一次去愛民。位置喺正大街比較裡面，如果唔係朋友帶路都唔識有間咁嘅hidden treasure。當日試咗幾道菜，豉椒蟶子非常惹味，蒸金鼓同蒜蓉粉絲蒸元貝都蒸得火候剛好，一D都冇蒸得老，炸生蠔鬆脆香口，成餐飯整體味道都非常好。同流浮山其他去過嘅酒家比較，愛民環境靜同舒服，服務招呼更好，仲有個疑似太子女嘅美女招呼同介紹菜式，十分適合我哋幾個人食飯傾計。按上次體驗，愛民十分值得推介，農曆年前已經計劃再同幾個朋友去食生日飯。