影片
更多
2022-08-11
88 瀏覽
流水蝦海鮮燒烤放題 2.5小時，7點半前 $338/位，超多海鮮及肉類燒烤任食，而且啤酒任飲。時間非常充足，有2.5小時，我地可以慢慢燒，全場爆滿，氣氛很好，食到好滿足。服務很好，會不停幫助清碟清筒(放海鮮殼)，亦會教客人夾蝦。流水蝦好玩又好味，自己夾蝦蝦，好生猛周圍彈，一番努力夾起隻蝦，再冰暈隻蝦，當蝦唔再郁就可以拎出黎燒。蝦膏好香濃，蝦肉非常爽彈，仲可以配泰式酸辣汁食。自助任食海鮮超多款，有扇貝、蠔、鮑魚、青口、帶子、各款蜆類、魚、八爪魚串......個人推介燒扇貝、蠔及鮑魚最正，扇貝好鮮味，加蒜蓉牛油燒仲正。蠔直接燒熟，肉質飽滿肥美，creamy口感又重蠔味。鮑魚加左少少清酒燒，估唔到燒熟都唔會乾，口感鮮嫩彈牙。各款蜆類放入錫紙盤，加清酒煮，鮮甜爽口。八爪魚串落調味粉也香口彈牙。任食燒烤，有牛仔骨、牛肉粒、豚五花肉、羊脾、雞肉串、雞全翼、丸類....牛肉粒最正，厚身有肉感，多汁肉香。牛仔骨牛味夠重又香口。雞肉串唔會好乾。送白鱔好肥美，燒到皮脆肉嫩好香口，鱔肉十分有彈性，我地加左辣粉更香更薏味。雪花和牛唔會好肥，雪花分佈平均，入口脂香又重牛味。等蝦燒熟時間，拎左少少熟食，粉絲蒸蝦熱
流水蝦海鮮燒烤放題 2.5小時，7點半前 $338/位，超多海鮮及肉類燒烤任食，而且啤酒任飲。時間非常充足，有2.5小時，我地可以慢慢燒，全場爆滿，氣氛很好，食到好滿足。服務很好，會不停幫助清碟清筒(放海鮮殼)，亦會教客人夾蝦。
流水蝦好玩又好味，自己夾蝦蝦，好生猛周圍彈，一番努力夾起隻蝦，再冰暈隻蝦，當蝦唔再郁就可以拎出黎燒。
蝦膏好香濃，蝦肉非常爽彈，仲可以配泰式酸辣汁食。
自助任食海鮮超多款，有扇貝、蠔、鮑魚、青口、帶子、各款蜆類、魚、八爪魚串......
個人推介燒扇貝、蠔及鮑魚最正，扇貝好鮮味，加蒜蓉牛油燒仲正。蠔直接燒熟，肉質飽滿肥美，creamy口感又重蠔味。鮑魚加左少少清酒燒，估唔到燒熟都唔會乾，口感鮮嫩彈牙。
各款蜆類放入錫紙盤，加清酒煮，鮮甜爽口。八爪魚串落調味粉也香口彈牙。
任食燒烤，有牛仔骨、牛肉粒、豚五花肉、羊脾、雞肉串、雞全翼、丸類....牛肉粒最正，厚身有肉感，多汁肉香。牛仔骨牛味夠重又香口。雞肉串唔會好乾。
送白鱔好肥美，燒到皮脆肉嫩好香口，鱔肉十分有彈性，我地加左辣粉更香更薏味。雪花和牛唔會好肥，雪花分佈平均，入口脂香又重牛味。
等蝦燒熟時間，拎左少少熟食，粉絲蒸蝦熱辣辣，蒜味勁香蝦爽彈，粉絲仲吸哂精華。仲有蒸魚、雞翼、炸芝士蝦丸、薯角、串燒蝦.....揀左幾款食，味道正有質素。
各款瓜菜同菇類，可以加蒜蓉牛油，用錫紙小盤燒，非常香同好味。我最喜歡燒菠蘿香甜多汁超正。
飲品也很多款式，我就中意罐裝椰子水，清甜解膩。餐廳最正有多款酒，梅酒甜甜地易入口，清酒加左入海鮮中燒，清酒煮蜆非常正，D汁好鮮甜。仲有各款啤酒，真係好吸引。連花茶都有，款式又多，岩哂女仕。
甜品雪櫃內有數款蛋糕甜點及生果。朱古力蛋糕鬆軟唔太甜，迷你朱古力糯米滋非常濃郁煙韌好咬。生果特別在有提子及龍眼，都清甜爽口，而且較少餐廳有咁正嘅生果。
雪條超級多款口味，放滿2個雪櫃，我揀左朱古力脆皮雪條，燒烤食到熱熱地, 食返雪條即刻清涼哂，另外，榴槤雪條亦好香榴槤味。
張貼
