Candy Shake (已結業)

流心芝士撻 ($18)除左奶昔，司令仲試左佢地嘅芝士撻。呢幾個月芝士撻個勢愈吹愈勁，近乎每間大牌餅店都有出，不過司令就覺得其實有幾間係為出而出，根本無誠意做好佢。司令買嗰時撞正佢新鮮出爐，所以個撻好夠熱。撻皮係曲奇皮，唔係勁鬆化嗰種，正合司令口味，因為比較有口感。芝士極度流心，淫賤度十足😽😍！夠香濃，味道偏淡些少，不過就因此而唔覺得太膩，overall 黎講係值回票價嘅，同埋又唔洗咁傻仔排咁耐嘛。同場仲有新出左個藍莓味，等司令下次經過再試下先！