影片
更多
2011-08-31
17 瀏覽
係工廠區除左廢氣、貨車同紙箱外，又點會聯想到係工廠流失O既情況下，會有另一番景象。由地鐵站行去巧明街其實一條直路，而且入口有條大BANNER，都幾容易搵。上幾級樓梯，有好多舊西片的POSTER，最吸引我莫過於綠野仙蹤對紅色玻璃鞋，但我估其他人只識佢首SOMEWHERE OVER THE RAINBOW，早幾年出左DVD，有興趣可以買返隻回味。講返正題，識去呢間餐廳食晚餐都係多得開飯版版友，選擇唔算多而且都過百，不過就好大份。最後我地根據版友提示，ORDER左羊架($169)、燒豬仔骨($139)同12OZ牛柳($189)。個湯好濃好好味，個沙律都唔錯，最得意係個麵包，成舊上同要自己切，不過我覺得硬左少少。因為用碟上，無左鐵板O既熱力，食物都好快凍左，而且D肉都煮得幾生O下，雖然我地要求左7成同全熟，不過都好生同一路食一路有血水出。如果係一個人食一個餐，又或者係女仔，就唔好叫燒豬仔骨，真係好大份，佢種俾左兩條排骨我，根本分埋俾朋友都食唔晒。個甜品係焦糖燉蛋，好香滑，不過就甜左少少。整體黎講，食物唔差，但希望版友可以將重點放係工廈活化的創意上， 多口提一提，呢度D冷氣都幾大O下，黎食O
係工廠區除左廢氣、貨車同紙箱外，又點會聯想到係工廠流失O既情況下，會有另一番景象。由地鐵站行去巧明街其實一條直路，而且入口有條大BANNER，都幾容易搵。上幾級樓梯，有好多舊西片的POSTER，最吸引我莫過於綠野仙蹤對紅色玻璃鞋，但我估其他人只識佢首SOMEWHERE OVER THE RAINBOW，早幾年出左DVD，有興趣可以買返隻回味。
講返正題，識去呢間餐廳食晚餐都係多得開飯版版友，選擇唔算多而且都過百，不過就好大份。最後我地根據版友提示，ORDER左羊架($169)、燒豬仔骨($139)同12OZ牛柳($189)。個湯好濃好好味，個沙律都唔錯，最得意係個麵包，成舊上同要自己切，不過我覺得硬左少少。因為用碟上，無左鐵板O既熱力，食物都好快凍左，而且D肉都煮得幾生O下，雖然我地要求左7成同全熟，不過都好生同一路食一路有血水出。如果係一個人食一個餐，又或者係女仔，就唔好叫燒豬仔骨，真係好大份，佢種俾左兩條排骨我，根本分埋俾朋友都食唔晒。個甜品係焦糖燉蛋，好香滑，不過就甜左少少。
整體黎講，食物唔差，但希望版友可以將重點放係工廈活化的創意上， 多口提一提，呢度D冷氣都幾大O下，黎食O野最好帶返件外套。張貼
