影片
更多
2025-07-13
1062 瀏覽
近排係網絡好興嘅猛男waiter night就係呢間泰菜 不過就咁望餐廳門口 純白色嘅簡約裝修反而有D波希米亞風 同地面嘅叢林地板裝修有D對比 餐牌都係D fusion嘅泰式菜式 🌮鴨肉生菜包💰108呢個啱曬我呢D鍾意食肉但係又唔鍾意肥肉嘅挑剔人 加埋青檸嘅酸甜令肉唔會太寡 鴨肉就會瘦小小 部分肉碎都好似食緊一塊塊嘅瘦肉咁 對我來講不錯 加埋生菜唔使驚吞太多肥肉 但係口感都唔會輸蝕左豬肉！🍝封門柳番茄醬貓耳朵粉💰168呢個證明呢間唔單止有padthai 更加更西餐化嘅pasta 封門柳口感好嫩滑 調味都啱啱好 唔會太鹹又唔會得牛嘅本味 貓耳朵粉煮得剛好煙韌 好可愛咁會疊著幾塊咁 令口感更豐富🫕冬陰功海鮮湯（小）💰88冬陰功湯可以叫唔同size嘅份量 比較特別嘅係同其他泰式餐廳唔同呢間冇爐火或者D傳統金屬湯煲 純粹嘅陶瓷碗有D少見 配料都係大蝦 蜆同菇類 不過口感略鹹 同埋冇火溫住好似麻麻🥗馬拉盞炒通菜💰88炒通菜一定係馬拉盞或者蝦醬！呢間味道好足 無論係菜梗（gwaang2）定係菜葉都好惹味！but呢間fusion餐廳冇筷子 所以我地就好搞笑咁攞叉篤🍤泰式生蝦刺身（6件）💰98感覺泰式
🌮鴨肉生菜包
💰108
呢個啱曬我呢D鍾意食肉但係又唔鍾意肥肉嘅挑剔人 加埋青檸嘅酸甜令肉唔會太寡 鴨肉就會瘦小小 部分肉碎都好似食緊一塊塊嘅瘦肉咁 對我來講不錯 加埋生菜唔使驚吞太多肥肉 但係口感都唔會輸蝕左豬肉！
🍝封門柳番茄醬貓耳朵粉
💰168
呢個證明呢間唔單止有padthai 更加更西餐化嘅pasta 封門柳口感好嫩滑 調味都啱啱好 唔會太鹹又唔會得牛嘅本味 貓耳朵粉煮得剛好煙韌 好可愛咁會疊著幾塊咁 令口感更豐富
🫕冬陰功海鮮湯（小）
💰88
冬陰功湯可以叫唔同size嘅份量 比較特別嘅係同其他泰式餐廳唔同呢間冇爐火或者D傳統金屬湯煲 純粹嘅陶瓷碗有D少見 配料都係大蝦 蜆同菇類 不過口感略鹹 同埋冇火溫住好似麻麻
🥗馬拉盞炒通菜
💰88
炒通菜一定係馬拉盞或者蝦醬！呢間味道好足 無論係菜梗（gwaang2）定係菜葉都好惹味！but呢間fusion餐廳冇筷子 所以我地就好搞笑咁攞叉篤
🍤泰式生蝦刺身（6件）
💰98
感覺泰式生蝦同赤蝦刺身係兩種程度嘅美味 生蝦點上清涼嘅醬汁激發左更鮮甜嘅口感
整體來講同朋友聚餐都可以嘗試幾多口味 而且飲品都好特別有唔同名同cocktail可以嘗試 不過好似店員會好早開始清潔同埋擺凳上台
張貼
