泰象泰國越南餐廳 (已搬遷) 新店位置

去到鴨脷洲呢個地方，除左買海味，食海鮮，坐船仔之外，比我搵到間舖頭，雖然地方唔太大，但竟然係食越式泰式美食，個人喜歡泰式炸蝦餅，炸出來已經聞都香味，食落口外脆內軟，都唔錯。另一個係芥蘭炒豬頸肉，唔要咸魚，唔要馬拉盞，唔要泰式炒，佢地炒出來又幾香。再來一個越式生牛肉河，唔太大驚喜。最後試埋個泰式香辣海鮮粉絲，講真唔太辣，仲有勁重南乳味，可以接受，但最驚喜就係好多地方都用急凍海鮮，而佢地就用真正既海鮮，所以個湯底既鮮味都可補返數。最後就係個價錢，中下價錢！中上味道！可以一試。