歌聲光頭佬泰國菜 (已結業)

朋友住係呢度附近，佢話呢一間泰國菜唔貴，而且感覺好地道所以大家一齊去食。我哋一行三人，就咁樣行左入去，唔需要等位，雖然地方淺窄，音樂亦都覺得好熱鬧，唔似一般嘅泰國餐廳，感覺其實此係一間泰式嘅大排檔。牆上面掛住好多奇奇怪怪嘅照片，照片上都係一個男人有年青到年老嘅外貌，我覺得係老闆本人。同時上面亦都掛住好多食物嘅照片，侍應嘅招待都比較隨意，可能因為價錢始終都唔貴啦，所以餐廳嘅風格比較平民化。甚至連order都係佢哋比張紙我哋自己寫號碼，冷氣亦都唔係好夠凍，當然都唔係好重要因為我哋黎都係為咗食好食嘅食物。我哋order左一個泰式香葉炒飯，有鑊氣夠香夠辣！一個冬陰公湯！係非常非常非常好飲惹味，味道夠酸夠濃！推薦！同埋一個泰式生菜包炒肉碎！雖然呢個菜色比較普通，但一啲都冇令我地失望！非常非常好食！肉碎裏便夾雜咗好多調味料，包括有蒜頭洋蔥大蔥，仲有一啲不知名嘅泰式香料，食得出但係唔知佢哋叫咩名！串燒：我哋叫咗雞腎、牛肉、雞翼、魷魚！老實講口感質感同埋味道都係普通，偏鹹！醬料都普普通通啦！唔係太推介！我哋仲有叫咗一個泰式酸辣木瓜沙律！唔係太識得欣賞！太鹹太辣太酸，可能食慣西式嘅沙律，唔係好習慣泰式嘅