見到新開張既「泰順」，試下佢地既二人套餐先。
4
前菜：「芒果蝦米紙卷」表現出色，
米紙卷皮薄而帶有微微韌性，
包住鮮甜既芒果肉🥭，搭配爽口既鮮蝦同米線，再蘸上附送既酸甜醬汁，清爽又開胃🤤
蔬菜：「馬拉盞通菜」鑊氣十足，
呈現出地道既泰國風味，
通菜炒得爽脆，火候掌握得岩岩好，唔會過老。
馬拉盞醬鹹香惹味，帶有蝦米既香辣，送飯一流。
主菜：「泰式無骨海南雞（半隻）」，
果然無令人失望。
雞皮色澤淡黃，口感爽滑唔肥膩；
雞肉煮得岩岩好，肉質夠嫩滑，雞胸部位都唔會話鞋口，而搭配既三色醬料係點睛之筆：黑醬油濃甜、薑蓉辛香、仲有泰式辣醬，酸辣醒神，進一步提升左雞肉既鮮味。半隻雞份量對兩人來說非常足夠。
