泰邊爐 (已結業)

最鐘意食辣野同打邊爐，見到有間泰式邊爐任食新開，就同朋友試下，揀左個中辣冬陰功湯底，係幾正，仲有成5隻大蝦係入邊。值得推介係加$38要6隻生蝦，大隻得黎又鮮甜，抵過去泰國餐廳食!去到火鍋醬料區，就覺得呢間野都幾有誠意，紅蝦米，泰國魚露，泰國黑鼓油仲有泰國萬能火鍋醬，真係正宗泰式邊爐喎!任食兩小時，有火鍋常見的丸呀,菜呀放係出面任夾，仲有蝦片同炸魚皮，熱氣得黎又好味，而特式泰國野就叫餐牌送上黎，仲有熱食，炸魚餅同春卷叫，配埋泰國啤酒，絕配。食到超飽後，仲發覺有兩款糖水食，紫米露同涼粉，雖然好飽都忍唔住食左兩碗。埋單520蚊兩個人，見到自己食左咁多野，值回票價!