金寶泰國菜館

營業中

休息中

係親九龍城都係想搵泰菜食，因為多正宗泰國菜係度大把選擇，不過自己就鍾情依間金寶，價錢合理食物質數ok，最緊要係個辣度已經較啱我依D怕辣嘅人士，辣得嚟又香又夠酸。舖入面都係泰國人所以點餐都係用點心紙形式，以免有錯誤，個menu好多選擇簡直花多眼亂但我得兩個人又唔可以亂叫...好辛苦咁揀咗大家最想食嘅嘢，先來個生蝦刺身，個蝦並唔係冰鮮一包包嘅貨，而係新鮮自家剝殼再配上蒜頭同辣椒粒同個汁，每一啖又彈牙又鮮味，一碟98蚊有8隻好抵食呀…一份泰式燒豬頸肉，燒完出嚟面係脆嘅肉係爽嘅，酸辣花甲粉絲煲，湯好夠味個花甲夠甜夠大隻最緊要個粉絲索灑D湯嘅精華好好味呀;椰菜苗一般係泰國菜舖先有得食，所以我都揀咗個清炒椰菜苗，果然無令我失望。