影片
更多
2021-06-19
170 瀏覽
餐廳：Thaiology (銅鑼灣)地址：銅鑼灣駱克道463-483號銅鑼灣廣場2期6樓唔知大家有冇食過黃店日本野同Mini Friday呢💛？佢哋嘅老闆最近喺銅鑼灣廣場2期6樓開咗間新嘅泰國餐廳—— Thaiology ，未入門口就見到Thai Freedom同豎三指、代表和平自由同弟兄姊妹情誼嘅泰國象🐘，唔知你又聯想到啲咩呢？醃酸辣鳳爪 $78雖然上枱果陣賣相一般，不過鳳爪嘅酸辣程度均勻🌶，唔會一味得個酸或者辣味，唔喺無骨鳳爪，不過內裡嘅軟骨可以咬碎吞埋，食落開胃爽口椰汁雞湯 $88雞湯非常濃郁好味，有好香嘅椰汁味🥥，可以舀到4-5碗，仲有唔少雜菌同雞件，不過個人覺得略為偏鹹，但成個窩上確實夠晒特色同可以保到溫🔥泰式小食拼盤 $128呢個拼盤有魚餅、蝦餅、春卷各2件，單骨雞翼同串燒各4串。我特別鍾意佢哋嘅豬肉同雞肉串燒，加咗蜜糖🍯，燒得香口滋味而無燶咗嘅位置，相當吸引。有時食東南亞餐廳，睇佢哋串燒整成點就大概估到間餐廳嘅質素😎海南雞(半隻) $108海南雞肉嫩滑啖啖肉，皮都幾多，仲有大大隻雞髀🍗，每件都好大舊肥美，唯一美中不足就喺有一兩舊雞未熟🤏蒜蓉炒通菜 $78唔鍾意食菜嘅人，試
地址：銅鑼灣駱克道463-483號銅鑼灣廣場2期6樓
唔知大家有冇食過黃店日本野同Mini Friday呢💛？佢哋嘅老闆最近喺銅鑼灣廣場2期6樓開咗間新嘅泰國餐廳—— Thaiology ，
未入門口就見到Thai Freedom同豎三指、代表和平自由同弟兄姊妹情誼嘅泰國象🐘，唔知你又聯想到啲咩呢？
醃酸辣鳳爪 $78
雖然上枱果陣賣相一般，不過鳳爪嘅酸辣程度均勻🌶，唔會一味得個酸或者辣味，唔喺無骨鳳爪，不過內裡嘅軟骨可以咬碎吞埋，食落開胃爽口
椰汁雞湯 $88
雞湯非常濃郁好味，有好香嘅椰汁味🥥，可以舀到4-5碗，
仲有唔少雜菌同雞件，不過個人覺得略為偏鹹，但成個窩上確實夠晒特色同可以保到溫🔥
泰式小食拼盤 $128
呢個拼盤有魚餅、蝦餅、春卷各2件，單骨雞翼同串燒各4串。
我特別鍾意佢哋嘅豬肉同雞肉串燒，加咗蜜糖🍯，燒得香口滋味而無燶咗嘅位置，相當吸引。有時食東南亞餐廳，睇佢哋串燒整成點就大概估到間餐廳嘅質素😎
海南雞(半隻) $108
海南雞肉嫩滑啖啖肉，皮都幾多，仲有大大隻雞髀🍗，
每件都好大舊肥美，唯一美中不足就喺有一兩舊雞未熟🤏
蒜蓉炒通菜 $78
唔鍾意食菜嘅人，試過呢碟惹味而且色澤吸引嘅通菜都一定會愛上，雖然對某啲人嚟講可能會濃味咗啲，不過時不時食一兩次又可以接受嘅😌
最後仲飲咗個蜂蜜香茅茶($48)，而同層仲有日本菜同西餐廳可以試🍴，不過都建議你可以試吓一戰呢間泰國餐廳🇹🇭
張貼
