泰妹餐廳 (The Wave) (已結業)

觀塘區除了是工商廈區之外，而家已經進註好多食肆在此區想食咩菜式都有好方便。今晚要到觀塘取件順便同朋友食埋晚飯先回家。朋友想食泰國菜就想起The Wave一樓有間食泰菜好抵食的。晚上七時左右食客已經開始坐滿，我們都快快點菜先。朋友發板我等食海南雞飯 (無骨) $58海南雞大大件肉質鮮嫰，皮薄無肥膏。黃油飯粒粒分明好爽口唔油膩。馬拉盞炒通菜 $68估唔到好大碟，通菜新鮮食落無渣，馬拉盞炒得好香微辣好惹味。蛋花黃咖哩軟殼蟹火山包 $148這個真的嚇一跳同個名一樣火山包，滿滿黃咖哩醬汁湧晒出嚟，軟殼蟹夠大隻炸得香脆，麵包超軟加埋香濃的黃咖哩一起吃特別有風味。